काठमाडौं । भारतले नेपाललाई ५ अर्ब ५० करोड भारु अनुदान सहायता उपलब्ध गराउने भएकाे छ ।
वित्त वर्ष २०२३/२४ का लागि वित्त मन्त्री निर्मला सीतारमणले युनियन बजेट बुधबार प्रस्तुत गरकी हुन् ।
जसमा भारतको विदेश मन्त्रालयमार्फत नेपालसहित छिमेकी मुलुकहरुलाई दिने अनुदान सहायता बजेट विनियोजन गर्ने गरिन्छ ।
तथ्यांक अनुसार यस वर्षका लागि भारतले नेपाललाई ५ अर्ब ५० करोड भारु दिने भएको छ । वित्त वर्ष २०२१/२२ मा ४ अर्ब ४६ करोड भारु विनियोजन भएको थियो ।
वैदेशिक अनुदानमा भारतले सबैभन्दा धेरै खर्च भुटानका लागि खर्च गर्ने भएको छ । यस वर्ष भुटानले २४ अर्ब भारु सहायता भारतबाट पाउने भएको छ ।
यसैगरी, अफगानिस्तानले २ अर्ब, बंगलादेशले २ अर्ब, श्रीलंकाले १ अर्ब, माल्दिभ्सले ४ अर्ब, म्यानमारले ४ अर्ब र मंगोलियाले ७ करोड भारु सहायता पाउने भएका छन् ।
अफ्रिकी मुलुकहरुले २ अर्ब ५० अर्ब रुपैयाँ सहायता पाउने भएका छन् ।
