काठमाडौं । नेपाल स्टक एक्सचेन्ज (नेप्से) कार्यालय घेराउ गरी ज्ञापन पत्र बुझाउन गएका सेयर लगानीकर्तालाई प्रहरीले नियन्त्रणमा लिएको छ ।
नेपाल धितोपत्र बोर्डसँग यसअघि भएका सहमतिअनुसार नेप्सेले गर्नु पर्ने कार्य गर्न माग गर्दै नेप्से कार्यालय घेर्न पुगेका लगानीकर्ताहरुलाई प्रहरीले नियन्त्रणमा लिएको हो ।
सेयर लगानीकर्ता तीलक कोइराला लगायतलाई प्रहरीले पक्रउ गरेको हो । पक्राउ परेकालाई अहिले सिंहदरबार प्रहरी वृत्तमा राखिएको छ ।
कोइरालाले सामाजिक सञ्चालमार्फत नेप्से कार्यालय घेर्न उपस्थित हुन आह्वान गर्दै आएका थिए ।
शुक्रबार नेप्से परिसरमा होलाल्ला गरेपछि उनीहरुलाई नियन्त्रणमा लिएको काठमाडौं प्रहरी परिसरले जनाएकाे छ ।
