काठमाडाैं । राष्ट्रिय स्वतन्त्र पार्टीले पुष्पकमल दाहाल प्रचण्ड नेतृत्वको सरकारलाई विश्वासको मत कायम राख्ने निर्णय गरेको छ ।
पार्टी कार्यालय बसुन्धारामा आइतबार बसेको संसदीय दल र केन्द्रीय समितिको संयुक्त बैठकले आफ्ना मुद्धाहरुलाई अघि बढाउनका लागि सरकारलाई दिएको समर्थन कायमै राख्ने निर्णय गरेको रास्वपाका केन्द्रीय सदस्य रमेश प्रसाईले जानकारी दिए ।
न्युनतम साझा कार्यक्रमका रहेका रास्वपाका शिक्षा, स्वास्थ्य, भ्रष्टाचार लगाएतका मुद्धाहरुलाई कार्यान्वयनका लागि पनि सरकारलाई दिएको समर्थन कायमै राख्ने निर्णय गरिएको उनको भनाइ छ ।
प्रसाईले आफूहरुको मुद्धा कार्यान्वयन नहुने अवस्था आए सरकारलाई दिएको समर्थनमा पुनर्विचार गर्न सकिने जिकिर गरे ।
त्यस्तै, अहिले नै सरकारमा जाने बिषयमा कुनै छलफल नभएको भएपनि सरकारमा गएर जनताका मुद्धाहरुलाई अघि बढाउनुपर्नेमा आफ्नो जोड रहेको उनले बताए ।
