रास्वपाले माग्याे माफी, अवरुद्ध मतदान पुन: सुरु

चितवन । राष्ट्रिय स्वतन्त्र पार्टीले आचार संहिता उल्लंघन गरेको स्वीकार गरी माफी मागेपछि चितवनको नयाँ किरण माविमा मतदान फेरि सुरु भएको छ ।

रास्वपाले गल्ती स्वीकार गरेपछि अवरुद्ध भएको मतदान प्रक्रिया सुरु भएको बागमती प्रदेश प्रहरी कार्यालयका प्रवक्ता एसएसपी दिपक रेग्मीले जानकारी दिए ।

भरतपुर महानगरपालिका-११ स्थित नयाँकिरण माविमा बिहान साढे ११ बजेदेखि यो मतदान केन्द्रमा मतदान रोकिएको थियो ।

रास्वपा कार्यकर्ता नाराबाजी गर्दै मतदानस्थलमा पस्न खोजेपछि नेकपा एमालेका कार्यकर्ताले विरोध गरेका थिए ।

त्यसक्रममा दुई पक्षबीच झडपको अवस्था भएको थियो । झडपको अवस्था आएपछि नाराबाजीमा संलग्न रास्वपाका समर्थकलाई प्रहरीले लाठीचार्ज गर्दै लखेटेको थियो ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७