काठमाडौं । पशुपति क्षेत्र विकास कोषको कार्यालयको भवनमा कार्यालयका सुरक्षाकर्मी मृत भेटिएका छन् ।
सञ्चालक परिषद् सदस्यका लागि निर्माण गरिएको भवनमा कोषका कर्मचारीले सफाइका क्रममा कार्यालयकै सुरक्षाकर्मी धनबहादुर राना झुण्डिएको अवस्थामा फेला परेका थिए ।
कर्मचारीले घटनाबारे प्रहरी वृत्त गौशालालाई खबर गरेको जानकारी दिए ।
राना बगैँचा फाँटबाट हालै सुरक्षातर्फ लगिएका कर्मचारी भएको कोषले जनाएको छ ।
कोषले खबर गरेपछि घटनास्थल पुग्दा राना झुण्डिएको अवस्थामा भेटिएकाले शव परीक्षणका लागि त्रिभुवन विश्वविद्यालय शिक्षण अस्पताल महाराजगञ्ज पठाइएको छ ।
घटनाका बारेमा थप अनुसन्धान भइरहेको प्रहरीले बताए ।