नेपाल र भारतका खेलकुदमन्त्रीबीच भेटवार्ता, खेलकुद क्षेत्रमा साझेदारीका अवसरबारे छलफल

काठमाडाैं । नेपालका खेलकुदमन्त्री दिगबहादुर लिम्बु र भारतका समकक्षी अनुराग सिंह ठाकुरबीच भेटवार्ता भएको छ ।

७ देखि ९ फेब्रुअरी २०२४ सम्म दिल्लीमा हुने बिमस्टेक एक्वाटिक्स च्याम्पियनसिपअघि दुई देशका समकक्षीबीच भेटवार्ता भएको हो ।

भेटमा दुवै राष्ट्रको युवा शक्तिलाई सदुपयोग गर्दै खेलकुदका क्षेत्रमा साझेदारीका अवसरबारे छलफल भएको बताइएको छ ।

भारत सरकारको सूचना तथा प्रसारण तथा युवा मामिला तथा खेलकुद मन्त्री समेत रहेका ठाकुरले सामाजिक सञ्जाल एक्स मार्फत ट्विट गर्दै भनेका छन्-

७-९ फेब्रुअरी, २०२४ सम्म दिल्लीमा हुने बिमस्टेक एक्वाटिक्स च्याम्पियनसिप २०२४ अघि नेपाल सरकारका माननीय युवा तथा खेलकुद मन्त्री श्री दिगबहादुर लिम्बुजीलाई भेट्ने अवसर प्राप्त भयो। हामीले क्षेत्रीय एकता र सहयोगलाई प्रवर्द्धन र सुदृढ गर्न दुवै राष्ट्रको युवा शक्तिको शक्तिलाई सदुपयोग गर्दै खेलकुदका क्षेत्रमा साझेदारीका अवसरहरू खोज्न छलफल गर्यौं।

माननीय प्रधानमन्त्री श्री @narendramodi को नेतृत्वमा भारत बिमस्टेक अन्तर्गत आफ्नो किसिमको पहिलो अन्तर्राष्ट्रिय खेलकुद प्रतियोगिता आयोजना गर्न पाउँदा गर्व गर्छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७