त्रिकोणात्मक टी-२० : नेदरल्यान्ड्सविरुद्ध नेपालले टस जितेर पहिला ब्याटिङ गर्दै

काठमाडौं । जारी त्रिकोणात्मक टी(२० आई सिरिजको फाइनलमा नेदरल्यान्ड्सविरुद्ध नेपालले टस जितेर पहिला ब्याटिङ गर्ने भएको छ ।

त्रिवि क्रिकेट मैदानमा भएको टसमा नेपालका कप्तान रोहितकुमार पौडेलले टस जितेर पहिला ब्याटिङ गर्ने निर्णय लिएका हुन् ।

सिरिजको अन्तिम खेलमा मंगलबार नेपालले आफ्नो प्लेइङ ११ मा कुनै परिवर्तन गरेको छैन । आज नेदरल्यान्ड्लाई पराजित गर्दै नेपाल घरेलु मैदानमा टी–२० आई सिरिजको तेस्रो पटक उपाधि जित्न चाहन्छ ।

नेपालले २०२१ को फाइनलमा नेदरल्यान्ड्सलाई नै १४२ रनले पछि पार्दै उपाधि जितेको थियो । त्यसपछि २०२२ को त्रिकोणात्मक टी–२० फाइनलमा पपुवा न्युगिनीलाई ५० रनले पराजित गर्दै दोस्रो पटक उपाधि चुमेको नेपाल आज २०२१ को नियति दोहोर्याउने रणनीतिमा मैदान प्रवेश गरेकाे  छ ।

यस सिरिजमा नेदरल्यान्ड्स ४ खेलमा ५ अंकका साथ शीर्षस्थानमा रहेर फाइनल खेल्दा नेपाल ४ खेलमा ४ अंकका साथ दोस्रो स्थानमा रहेर फाइनलमा उपाधि प्रतिस्पर्धा गर्दै छ । नामिबिया भने ३ अंकका साथ पुछारमा रहेर बाहिरिएको हो ।

नेपालको प्लेइङ ११ :  कुशल भुर्तेल, आसिफ शेख, रोहित पौडेल (कप्तान), कुशल मल्ल, प्रतिश जिसी, आरिफ शेख, सोमपाल कामी, करण केसी, अभिनाश बोहरा, गुलशन झा र दीपेन्द्रसिंह ऐरी ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७