काठमाडौं । कामना सेवा विकास बैंकका ग्राहक र कर्मचारीहरुका लागि रुपन्देहीको बुटवलमा रहेको जय सिद्धबाबा चस्मा पसलले आफ्ना सेवामा छुट दिने भएको छ । बैंक र सिद्धबाबा चस्मा पसलबीच हालै यस्तो सम्झौता भएको हो ।
नयाँ सम्झौता अन्तर्गत बैंकका कर्मचारी र ग्राहकहरुले उक्त चस्मा पसलले प्रदान गर्ने विभिन्न सेवा–सुविधामध्ये ब्राण्डेड चस्मामा २५ प्रतिशत छुट प्राप्त गर्न सक्ने छन्। ग्राहकहरुले बैंकसँगको आबद्धता भएको प्रमाणको आधारमा यो सुविधा सहजै प्राप्त गर्न सक्ने बताइएको छ ।
यस सम्झौताबाट बैंकसँग आबद्ध सम्पूर्ण व्यक्तिहरुले विशेष लाभ लिनसक्ने बैंकले विश्वास लिएको छ । हाल बैंकले आफ्ना १३५ सञ्जाल तथा ७७ एटीएम र विभिन्न शाखारहित सेवा केन्द्र मार्फत् अत्याधुनिक सेवा दिँदै आएको छ ।
