काठमाडौ । राजसंस्था पुनर्स्थापनाका लागि संयुक्त जनआन्दोलन समितिका कार्यवाहक संयोजक डा. जगमान गुरुङले आगामी वैशाख २१ गते भित्र राजावादी आन्दोलनका क्रममा पक्राउ परेकाहरूको रिहाइ र नजरबन्दमा राखिएका नवराज सुवेदीको मुक्तिका लागि आन्दोलन जारी राख्ने बताएका छन्।
उनले भने, “यदि यी माग पूरा नभए, हामी सामूहिक गिरफ्तारीको कार्यक्रम सुरु गर्नेछौं। म आफैं पहिला जेल जानेछु, तपाईंहरूलाई पनि आउनको लागि आह्वान गर्दछु।”
डा. गुरुङले यो आन्दोलन शान्तिपूर्ण र भद्र अवज्ञा आन्दोलनका रूपमा अघि बढाउने पनि बताए। उनले आगामी वैशाख १९ गते गोरखनाथ र गोरखकालीको पूजा गरेर आन्दोलनको नयाँ चरण सुरु गर्ने जानकारी दिए।
