काठमाडौं। नेपाली बजारमा सोमबार सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुन प्रतितोला ६०० रुपैयाँले बढेर १ लाख ८४ हजार ८०० रुपैयाँ पुगेको छ।
आइतबार छापावाल सुनको मूल्य प्रतितोला १ लाख ८४ हजार २०० रुपैयाँ थियो। यो वृद्धिसँगै सुनको मूल्य पुनः उच्च बिन्दतर्फ उक्लिएको देखिन्छ।
यसैबीच, चाँदीको मूल्यमा भने कुनै परिवर्तन भएको छैन। आइतबार तोलामा १ हजार ९४५ रुपैयाँमा कारोबार भएको चाँदी सोमबार पनि सोही मूल्यमा स्थिर रहेको महासंघले जनाएको छ।
