काठमाडौं। नेपाली बजारमा सुनको मूल्यमा एकैदिन ठूलो गिरावट आएको छ।
नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य तोलामा १ हजार १०० रुपैयाँले घटेर १ लाख ९० हजार ४०० रुपैयाँमा झरेको छ।
बिहीबार यसै सुनको मूल्य तोलामा १ लाख ९१ हजार ५०० रुपैयाँ थियो। चाँदीको मूल्यमा पनि गिरावट आएको छ। बिहीबार तोलामा २ हजार २५ रुपैयाँमा कारोबार भएको चाँदी शुक्रबार घटेर २ हजार ५ रुपैयाँमा झरेको महासंघले जनाएको छ।
