काठमाडौं । भारतीय विदेश सचिव विक्रम मिश्री नेपाल आउने भएका छन् । प्रधानमन्त्री केपी शर्मा ओलीलाई भारत भ्रमणको औपचारिक निमन्त्रणा दिन उनी आगामी भदौ १ गते नेपाल आउन लागेका हुन् ।
ओली प्रधानमन्त्री बनेको १३ महिना बतिसक्दा पनि छिमेकी मुलुक भारतको भ्रमण हुन सकिरहेको छैन । भारतीय पक्षले ओलीलाई भदौ ३१ देखि असोज १ गतेसम्म भ्रमणको निम्तो दिन लागेको बताइएको छ । यसबारेमा सरकारी पक्षबाट भने कुनै आधिकारिक धारणा बाहिर आइसकेको छैन ।
मिश्रीले भारतीय प्रधानमन्त्री नरेन्द्र मोदीले प्रधानमन्त्री ओलीका लागि पठाएको भ्रमणको औपचारिक निमन्त्रणा हस्तान्तरण गर्ने बताइएको छ । मिश्रीले प्रधानमन्त्री ओली, परराष्ट्रमन्त्री डा. आरजु राणा देउवा, परराष्ट्रसचिवलगायतसँग भेटवार्ता गर्ने बताइएको छ ।
