रुपन्देही क्षेत्र नम्बर ३ मा हुने उपनिर्वाचनका लागि राष्ट्रिय स्वतन्त्र पार्टी (रास्वपा) ले सिद्धार्थनगरका न्युरोसर्जन डा. लेखजंग थापालाई उम्मेदवार बनाएको छ। थापा पेशागत रूपमा चिकित्सक भए पनि पछिल्लो समय विभिन्न सामाजिक र राजनीतिक क्रियाकलापमा संलग्न हुँदै आएका छन्।
रास्वपाले विभिन्न मापदण्डका आधारमा उम्मेदवार छनोट गर्दा थापा उपयुक्त ठहरिएका र आगामी उपनिर्वाचनमा बलियो प्रतिस्पर्धी बन्न सक्ने विश्वास लिइएको पार्टी स्रोतले जनाएको छ।
