गृहमन्त्री रमेश लेखकले पदबाट राजीनामा दिएका छन्। जेनजीले आज काठमाडौँ र देशका मुख्य सहरहरूमा गरेको प्रदर्शनका क्रममा १९ जनाको ज्यान गएको र ३ सय बढी घाइते भएको घटनाको नैतिक जिम्मेवारी लिँदै लेखकले राजीनामा दिएका हुन् ।
सोमबार साँझ बालुवाटारमा बसेको मन्त्रिपरिषद् बैठकमा लेखकले प्रधानमन्त्री केपी शर्मा ओलीसमक्ष राजीनामा बुझाएका हुन्। त्यसअघि बुढानीलकण्ठमा बसेको काँग्रेसको पार्टी बैठकमा लेखकलाई राजीनामा दिन दबाब परेको थियो ।
उता, मन्त्रिपरिषद्ले आजको घटना घटनाबारे छानबिन समिति बनाउने निर्णय गरेको छ । समितिलाई घटनाको छानबिन गरी प्रतिवेदन बुझाउन १५ दिनको समय सीमा दिइएको छ ।
