काठमाडाैं । इजरायलले हालसम्म गाजामा रहेका ४८ जना बन्धकमध्ये २२ जना जीवित रहेको विश्वास गरेको छ ।
जीवित रहेको अनुमान गरिएका बन्धकमध्ये इजरायली सैनिक, नागरिक, विद्यार्थी तथा नेपालका विपिन जोशी पनि रहेको वासिङ्टन पाेस्टको समाचारमा जनाइएको छ ।
जोशी कृषि अध्ययनका लागि नेपालबाट इजरायल पुगेका बेला हमासको अपहरणमा परेका थिए ।
सन् २०२३ अक्टोबर ७ मा हमासद्वारा गरिएको भीषण आक्रमणमा करिब १२ सय जना इजरायली मारिए र २५१ जना अपहरणमा परे। त्यही दिनबाट सुरु भएको युद्ध दुई वर्षपछि हालै शुक्रबारबाट सुरु भएको युद्धविरामका कारण निर्णायक मोडमा पुगेको छ।
गाजाको स्वास्थ्य मन्त्रालयका अनुसार यस युद्धमा ६७ हजार भन्दा बढी प्यालेस्टाइनी मारिएका छन्। जसमा करिब आधा महिला र बालबालिका छन्। करिब २० लाख जनसंख्या मध्ये ९० प्रतिशत विस्थापित भएका छन्।
हाल गाजामा ४८ जना बन्धकहरू बाँकी छन्, जसमा एक जना सैनिकको शव पनि समावेश छ। कम्तीमा २५ जनाको मृत्यु अपहरणको दिन वा कैदमा नै भएको इजरायली अधिकारीहरूले पुष्टि गरिसकेका छन्। बाँकी करिब २० जनामध्ये कति जीवित छन् भन्ने निश्चित छैन। एउटा मात्र महिला बन्धक मरेको ठानिएको छ।
नयाँ युद्धविराम अनुसार बाँकी बन्धकहरूलाई ७२ घण्टाभित्र मुक्त गरिने अपेक्षा गरिएको छ। यसवापत इजरायलले करिब २ हजार जना प्यालेस्टिनी रिहा गर्ने योजना बनाएको छ।
इजरायलले जीवित रहेको ठानेका २२ जना बन्धकहरू-
मातान अंग्रेस्ट (२२) — हाइफाको नजिकै किर्यात बियालिकका सैनिक, दक्षिण इस्रायलमा ट्याङ्कबाट अपहरण। परिवार नेतन्याहूविरुद्ध सबैभन्दा कडा आवाजमध्ये एक।
गाली बर्मन र जिभ बर्मन (२८) — जुम्ल्याहा दाजुभाइ, कफर आझा किब्बुत्जबाट अपहरण। पछिल्लो सूचनाअनुसार दुवैलाई फरक फरक राखिएको थियो।
एल्काना बोहबोट (३६) — नोभा म्युजिक फेस्टिभलबाट अपहरण। हमासले दबाबमा भिडियोहरू सार्वजनिक गरेको थियो।
रोम ब्रास्लाभ्स्की (२१) — फेस्टिभलमा सुरक्षागार्ड, घाइते अवस्थामा अपहरण।
निमरोद कोहेन (२१) — सैनिक, ट्याङ्कबाट अपहरण। रुबिक क्यूबमा रुचि।
अरियल कुनियो (२८) — नीर ओज किब्बुत्जबाट अपहरण, प्रेमिका जनवरीमा रिहा।
डेभिड कुनियो (३५) — परिवारका अन्य सदस्यहरू रिहा भए तर उनी अझै कैदमा।
एभ्यातर डाभिड (२४) — बाल्यकालका साथी गाईसँगै अपहरण।
गाय गिल्बोआ-डालाल (२४) — दुईवटा हमास भिडियोमा देखिएका।
म्याक्सिम हार्किन (३७) — युक्रेनमा जन्मेका, पहिलो पटक फेस्टिभलमा सहभागी।
सेगेभ काल्फोन (२७) — धार्मिक विधिबाट छोरा फर्काउने प्रयासमा परिवार।
बार कुपेर्स्टेन (२३) — घाइतेलाई उद्धार गर्ने क्रममा अपहरण।
एतान मोर (२५) — सुरक्षा गार्ड, परिवार युद्धमै दबाब दिने पक्षमा।
योसेफ-छाइम ओहाना (२५) — बारटेनडर, अपहरणअघि अन्यलाई सहयोग गर्दै थिए।
आलोन ओहेल (२४) — जर्मन–सर्ब नागरिकता पनि, शृङ्खलामा बाँधिएको वर्षौँ कैद जीवन।
आभिनातन ओर (३२) — प्रेमिका नओआ अर्गामानी सन् २०२४ मा उद्धार।
इतान हर्न (३८) — दाजुसँगै अपहरण, दाजु रिहा।
बिपिन जोशी (२४) — नेपालका एक मात्र जीवित ठानिएका बन्धक। कृषि अध्ययनका लागि इजरायल पुगेका। १७ जना नेपाली विद्यार्थीमध्ये १० जनाको हमास आक्रमणमा मृत्यु।
ओम्री मिरान (४८) — परिवारलाई लाइभ भिडियोमा आतंकित पारेर अपहरण।
तमिर निम्रोदी (२०) — गाजाको उत्तर सिमानामा सैनिक सेवाका क्रममा अपहरण।
मातान जाङाउकर (२५) — नीर ओजबाट प्रेमिकासहित अपहरण, प्रेमिका रिहा।
