काठमाडौँ । मंसिरका आधा वाणिज्य बैङ्कहरूको ब्याजदर घटेको छ । आइतबार प्रकाशित सूचना अनुसार कुल २० वटा वाणिज्य बैङ्कहरूमध्ये १० वटाले मुद्दती निक्षेपको ब्याजदर घटाएका हुन् ।
कात्तिकको तुलनामा मंसिरमा वाणिज्य बैङ्कहरूको व्यक्तिगत मुद्दती निक्षेपको ब्याजदर औसतमा ०.१६ प्रतिशत विन्दुले घटेको छ । कात्तिकमा औसत ब्याजदर ५ दशमलव२ प्रतिशत रहेकोमा मंसिरमा यस्तो औसत ब्याजदर ५.०४ प्रतिशत छ।
मंसिरमा प्राइम कमर्सियल, स्ट्यान्डर्ड चार्टर्ड, एनआईसी एसिया, नबिल, सिद्धार्थ, कुमारी, सानिमा, हिमालयन, नेपाल एसबीआई र सिटिजन्स बैङ्कको ब्याजदर घटेको छ ।
मंसिरका लागि १० वटा बैङ्कको ब्याजदर घट्दा १० वटाले भने यथावत् राखेका छन् । मंसिरका लागि ग्लोबल आईएमई, नेपाल इन्भेस्टमेन्ट मेगा, प्रभु, कृषि विकास, एभरेस्ट, नेपाल, लक्ष्मी सनराइज, माछापुच्छ्रे, राष्ट्रिय वाणिज्य र एनएमबी बैङ्कको ब्याजदर स्थिर छ।
| बैंकको नाम | कात्तिकको ब्याजदर | मंसिरको ब्याजदर |
| प्राइम कमर्सियल | ५ प्रतिशत | ४.७५ प्रतिशत |
| माछापुच्छ्रे | ५ प्रतिशत | ५ प्रतिशत |
| नबिल | ४.९५ प्रतिशत | ४.७५ प्रतिशत |
| सानिमा | ५.१५ प्रतिशत | ५ प्रतिशत |
| राष्ट्रिय वाणिज्य | ५.५ प्रतिशत | ५.५ प्रतिशत |
| हिमालयन | ६ प्रतिशत | ५.५ प्रतिशत |
| एनएमबी | ५ प्रतिशत | ५ प्रतिशत |
| लक्ष्मी सनराइज | ५ प्रतिशत | ५ प्रतिशत |
| एनआईसी एसिया | ५.७५ प्रतिशत | ५ प्रतिशत |
| एभरेस्ट | ५ प्रतिशत | ५ प्रतिशत |
| स्ट्यान्डर्ड चार्टर्ड | ५ प्रतिशत | ४.७ प्रतिशत |
| नेपाल | ५.२५ प्रतिशत | ५.२५ प्रतिशत |
| सिद्धार्थ | ५.५ प्रतिशत | ५ प्रतिशत |
| नेपाल इन्भेस्टमेन्ट मेगा | ५ प्रतिशत | ५ प्रतिशत |
| कृषि विकास | ४.९५ प्रतिशत | ४.७ प्रतिशत |
| प्रभु | ४.९५ प्रतिशत | ४.९५ प्रतिशत |
| कुमारी | ५.०१ प्रतिशत | ४.९१ प्रतिशत |
| नेपाल एसबीआई | ५ प्रतिशत | ४.८ प्रतिशत |
| सिटिजन्स | ५ प्रतिशत | ४.७५ प्रतिशत |
| ग्लोबल आईएमई | ६ प्रतिशत | ६ प्रतिशत |
