काठमाडाैं । काठमाडौं महानगरपालिकाको जारी मतगणनामा मेयरका स्वतन्त्र उम्मेदवार बालेन साहको मत साढे ५१ हजार पुगेको छ ।
एक लाख ५७ हजार ३१० मत गन्दा बालेनले ५१ हजार ५९६ मत ल्याएका हुन् ।
उनका निकटतम प्रतिद्वन्द्वी सत्ता गठबन्धनकी उम्मेदवार नेपाली कांग्रेसकी सिर्जना सिंहले ३२ हजार ४३० मत पाएकी छन् ।
त्यस्तै, नेकपा एमालेका केशव स्थापितले ३१ हजार ८५६ मत ल्याएका छन् । सिर्जनासँग बालेनको १९ हजार ७४० को मतान्तर छ ।
