चितवन । बाटाेकाे ठेक्का लिएर अलपत्र छाड्ने ठेकेदारकाे खाेजीका लागि समृद्धिका लागि युवा अभियान, माडीका युवाहरु एकजुट भएका छन् ।
उनीहरुले लाेहनी ब्रदर्स कन्सट्रक्सनका ठेकेदार शंकरप्रसाद लाेहनी बाटाेकाे काम अलपत्र पारेर फरार भएकाे भन्दै सम्बन्धित निकायकाे ध्यानाकर्षण गराएका हुन् ।
समृद्धिका लागि युवा अभियान, माडीका युवाहरु लाेहनीकाे तस्बिर सार्वजनिक गरी याे विषय उठान गर्न अनुराेध पनि गरेका छन् ।
लाेहनी ब्रदर्स कन्सट्रक्सनले पतरे खाेलाकाे पुललगायत ८ किलोमिटर बाटोको काम लिएकाे थियाे । अहिले याे बाटाे धुलाम्य छ ।
यसैगरी, उक्त युवाहरुकाे समूहले जीवनपुर बगही हुलाकी सडककाे ठेक्का पाएकाे बज्रगुरु कन्सट्रक्सन प्रालिका ठेकेदार रेवन्त बस्नेतकाे पनि खाेजी गरेका छन् ।
युवाकाे समूहले उनीहरुकाे फाेटाेसहित ब्यानर बनाएर टाँसेकाे छ ।