काठमाडौं । नेपालका ओपनर आसिफ शेखले आईसीसी विश्वकप लिग टू अन्तर्गतको अन्तिम त्रिकोणात्मक सिरिजको पहिलो खेल पपुवा न्यु गिनी (पीएनजी) विरुद्ध शतक पूरा गरेका छन् ।
टियु क्रिकेट मैदानमा उनले १ सय १ बलमा १० चौका र २ छक्काको सहयोगमा शतक पूरा गरेका हुन् ।
यस्तै, एकदिवसीय अन्तर्राष्ट्रियमा उनले १ हजार रन पुर्याएका छन् । एकदिवसीय अन्तराष्ट्रियमा १ हजार रन पूरा गर्ने आसिफ दोस्रो नेपाली खेलाडी हुन् ।
यस अघि कप्तान रोहित कुमार पौडेलले १ हजार रन बनाएका थिए ।
आसिफले नेपालका लागि ३२ एकदिवसीय अन्तराष्ट्रिय खेलेका छन् । एकदिवसीय अन्तराष्ट्रियमा ८ अर्धशतक प्रहार गरेका छन् ।
