काठमाडौं । आइतबार प्रतितोला १ लाख १० हजार रुपैयाँ पुगेको सुनको मूल्य सोमबार भने नेपाली बजारमा प्रतितोला ७ सय रुपैयाँ ले घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९ हजार ३ सय रुपैयाँ र तेजाबी सुन प्रतितोला १ लाख ८ हजार ८ सय रुपैयाँमा कारोबार भइरहेको छ ।
त्यसैगरी, सोमबार चाँदीको मूल्य पनि घटेको छ । आज चाँदी प्रतितोला १ हजार ३ सय ३० रुपैयाँमा कारोबार भइरहेको छ ।
आइतबार चाँदी प्रतितोला १ हजार ३ सय ४५ रुपैयाँमा किनबेच भएको थियो ।
आइतबारको तुलनामा सोमबार चाँदी प्रतितोला १५ रुपैयाँ घटेको हो ।
