काठमाडौं । सरकारले राष्ट्र बैंकका गभर्नर महाप्रसाद अधिकारीलाई निलम्बन गरेको छ ।
अधिकारी निलम्बित भएपछि डेपुटी गभर्नर निलम ढुंगानालाई कार्यबाहक दिइएको अर्थ मन्त्रालय स्रोतले बताएको छ ।
अधिकारीमाथि अब छानबिनको प्रक्रिया अघि बढ्ने स्रोतले जनाएको छ ।
विशेषगरी अर्थमन्त्री जनार्दन शर्मा अधिकारीसँग रुष्ट थिए ।
अधिकारीलाई २०७६ साल चैत २४ मा तत्कालीन केपी ओली सरकारले गभर्नर नियुक्त गरेको थियो ।
सरकार परिवर्तनपछि अर्थमन्त्री बनेका जनार्दन शर्माको अधिकारीसँग सम्बन्ध राम्रो बन्न सकेको थिएन ।
