काठमाडौं महानगरपालिकाका निर्देशकसहित पाँच जनाविरुद्ध भ्रष्टाचारको आरोपमा मुद्दा दायर

काठमाडौं । अख्तियार दुरुपयोग अनुसन्धान आयोगले काठमाडौं महानगरपालिकाका निर्देशकसहित पाँचजनाविरुद्ध भ्रष्टाचारको आरोपमा मुद्दा दायर गरेको छ ।

आयोगले बुधबार विशेष अदालत काठमाडौंमा मुद्दा दायर गरिएको जनाएको छ ।

भ्रष्टाचार गरेको आरोपमा महानगरका निर्देशक भैरवबहादुर बोगटी, खरिद इकाइका प्रमुख बखतबहादुर साउद, उपनिर्देशक सुमन अधिकारी, उपनिर्देशक वीरबहादुर खड्का र इन्जिनियर उमेशकुमार बुढाथोकीविरुद्ध मुद्दा दायर गरिएको अख्तियारले विज्ञप्तिमार्फत जानकारी दिएको छ ।

टेकुस्थित भवन निर्माणको लागि ठेक्काको प्राविधिक मूल्यांकनमा पाँचजनाको संलग्नता रहेको आयोगले जनाएको छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७