विदेश जानेले काठमाडौंका यी ४ अस्पतालबाट लगाउन पाउँछन् जोन्सन एन्ड जोन्सन खोप

काठमाडाैँ । सरकारले विदेश जाने नेपाली नागरिकलाई कोरोना विरुद्ध एक मात्र लगाएमा पुग्ने जोन्सन एन्ड जोन्सन खोप दिने भएको छ । विदेश जानेहरुका लागि काठमाडौं उपत्यकाका ४ वटा सरकारी अस्पतालबाट उक्त खोपको व्यवस्था गरिएको हो ।

काठमाडौँको छाउनीमा अवस्थित वीरेन्द्र सैनिक अस्पताल, महाराजगन्जस्थित नेपाल प्रहरी अस्पताल, बलम्बुको सशस्त्र प्रहरी अस्पताल र टेकुमा रहेको शहीद शुक्रराज ट्रपिकल तथा सरुवा रोग अस्पतालबाट खोप लगाउन सकिने स्वास्थ्य तथा जनसंख्या मन्त्रालयले जनाएको छ ।

यो खोप विदेशको भिसा लागेका १८ वर्षमाथिका नागरिकले लगाउन पाउनेछन् । मन्त्रालयका अनुसार खोप लगाउन जाँदा अनिवार्य रुपमा भिसा लागेको पासपोर्ट लिएर जानुपर्नेछ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७