नयाँ बसपार्कमा ९ जनाद्वारा एक महिलालाई रातभर बलात्कार, ८ जना पक्राउ

काठमाडाैं । काठमाडौंको नयाँ बसपार्कमा एक महिलालाई ९ जनाले सामूहिक बलात्कार गरेका छन् । बलात्कारमा संलग्न ८ जना पक्राउ परिसकेका छन् ।

काठमाडौं महानगरीय प्रहरी परिसरका अनुसार ३४ वर्षीया महिलामाथि मंगलबार रातभर सामूहिक बलात्कार भएकाे हाे । नयाँ बसपार्कस्थित एउटा गेस्ट हाउसमा लगेर ती महिलालाई सामूहिक बलात्कार गरिएको हो ।

पीडित पक्षले दिएको उजुरीमा पीडक ९ जनाको नाम छ । जसमा अझै एक जना फरार छन् ।

पीडित महिला सुर्खेतको भएको खुलेको छ। उनका श्रीमान भारतमा रहेको खुल्न आएको प्रहरीले जनाएको छ । प्रहरीका अनुसार पक्राउ परेका पुरुष १९ देखि ४३ वर्षसम्मका छन् ।

पीडित महिलाकाे स्वास्थ्य परीक्षण गरिएकाे र उनकाे अवस्था सामान्य भएकाे पनि प्रहरीले जनाएकाे छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७