हिन्दू राष्ट्र नहुँदा लाेकतन्त्र र गणतन्त्र दुवै खतरामा : लाेसपा नेता सिंह

काठमाडाैं । लाेसपाका नेता कृष्ण सिंहले नेपालमा हिन्दू राष्ट्र नहुँदा लाेकतन्त्र र गणतन्त्र दुवै खतरामा परेकाे बताएका छन् ।

सामाजिक सञ्जाल फेसबुकमार्फत लाेसपा केन्द्रीय सदस्य सिंहले आफ्नाे विचार सार्वजनिक गरी नेपाल हिन्दू राष्ट्र कायम भए पनि अन्य कुनै धर्मलाई असर नपर्ने बताएका हुन् । उनले लाेकतन्त्र र गणतन्त्र बचाउनका लागि नेपाल हिन्दू राज्य घाेषणा हुनुपर्ने पनि बताएका छन् । अहिले आम नागरिककाे माग पनि यही रहेकाे उनकाे बुझाइ छ ।

उनले भनेका छन् ‘हिन्दू राष्ट्रकाे घाेषणा अहिलेकाे राजनीतिक अस्थिरताकाे समाधान, जनचाहाना र राजनीतिक निकास हाे ।’

नेता सिंहले धर्म निरपेक्षताकाे माग आम नागरिकले नगरेकाे र केही नेताहरुले लाेकतन्त्रकाे नाममा गरेकाे घाेषणामात्र भएकाे आराेप पनि लगाएका छन् ।  उनले भनेका छन्, ‘अब हाम्राे भाषा, संस्कृति र इतिहासकाे संरक्षणाका लागि पुन:  आन्दाेलन गर्न नपराेस् ।’