नेपाली कांग्रेस संसदीय दलको बैठक सुरु, एमसीसी र महाभियाेग मुख्य एजेण्डा

काठमाडाैं । नेपाली कांग्रेस संसदीय दलको बैठक सुरु भएको छ ।

एमसीसी र प्रधानन्यायाधीश विरुद्धको महाअभियोगबारे छलफल गर्न नयाँ बानेश्वरस्थित संसद् भवनको ल्होत्से हलमा दलकाे बैठक सुरु भएको हो ।

प्रधानन्यायाधीश चोलेन्द्र शमशेर जबराविरुद्ध संसदमा दर्ता भएको महाभियोग प्रस्ताव र अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) अगाडि बढाउने विषय बैठकका मुख्य एजेण्डा छन् ।

बुधवार बस्ने प्रतिनिधि सभा बैठकमा एमसीसी टेबुल गर्न सरकारलाई सुझाव दिने निर्णय लिइने बताइएकाे छ ।

कांग्रेस केन्द्रीय कार्यसम्पादन समितिको बैठक पनि मंगलबार दिउँसाेकाे लागि बाेलाइएकाे छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७