१०९ पुगे निर्वाचन आयाेगमा दर्ता दलहरुकाे संख्या 

काठमाडौं । निर्वाचन आयोगमा दर्ता हुने दलको संख्या १०९ पुगेको छ ।

आयोगले सोमबार काठमाडौंमा पत्रकार सम्मेलन गरी आयोगमा थप तीन दल दर्ता भएको र हालसम्म दर्ता हुने राजनीतिक दलहरुको संख्या १०९ पुगेको जानकारी दिएको हो ।

त्यस्तै, स्थानीय तह निर्वाचन प्रयोजनका लागी सूचना प्रकाशित भए बमोजिम हालसम्म विभिन्न १० वटा दल राजनीतिक दलहरुले निर्वाचनमा भाग लिनका लागि निवेदन दिएको आयोगका सहप्रवक्ता सूर्यप्रसाद अर्यालले जानकारी दिए ।

त्यस्तै, मतदाता नामावली अद्यावधिकको विषय राजपत्रमा प्रकाशन गर्ने प्रयोजनका लागि कानून मन्त्रालयमा सूचना सम्पादनका लागि पठाइएको उनले जानकारी दिए ।

मतदाता नामावली अद्यावधिक कार्य अन्तर्गत कुनै मतदाताले नामावली भएको आफ्नो बिबरणमा त्रुटी सच्चाउन चाहे निवेदन दिन सकिने व्यवस्था गरिएको उनले बताए ।

त्यस्तै आयोगले मतदाता परिचयपत्र हराए वडा कार्यालयको सिफारिस सहित सम्बन्धीत निर्वाचन कार्यालयमा निवेदन दिएर परिचय उपलव्ध गराउने व्यवस्था पनि गरिएको अर्यालले बताए ।

आयोगले प्रतिस्पर्धात्मक तवरले निर्वाचन सामाग्रीको खरिद गर्न २३ प्रकारका निर्वाचन सामाग्रीहरुको खरिदका लागि बोलपत्रसम्बन्धी सूचना प्रकाशन गरिएको पनि जानकारी दिएको छ ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७