![](https://hulaksanchar.com/wp-content/uploads/2023/02/Death-body.jpg)
कञ्चनपुर । बाघको आक्रमणबाट कञ्चनपुरमा एक महिलाको मृत्यु भएको छ ।
शुक्रबार भारतीय जंगलमा घाँस काट्न गएकी पुनरवास नगरपालिका–१० की ३२ वर्षीया कलसा सार्की जंगलमा मृत भेटिएको जिल्ला प्रहरी कार्यालय कञ्चनपुरले जनाएको छ ।
चार जना साथीसँग भारतको दुधुवा नेशनल पार्कको जंगलमा घाँस काट्न गएकी कलसा नफर्केपछि स्थानीयहरुले खोजतलास गरेका थिए । सोही क्रममा बाघको आक्रमणमा परी मृत्यु भएको अवस्थामा फेला पारिएको कञ्चनपुर प्रहरीले जनाएको छ ।
घटनाबारे भारतीय प्रहरीले अनुसन्धान गरिरहेको र नेपाल प्रहरी पनि समन्वयका लागि घटनास्थलमा पुगेको बताइएकाे छ ।