काठमाडौं । साताको अन्तिम कारोबार दिन अर्थात् शुक्रबार नेपाली बजारमा सुन–चाँदीको मूल्य बढेको छ ।
अघिल्लो दिन अर्थात् बिहीबार प्रतितोला एक हजार रूपैयाँ घटेको सुनको भाउ आज प्रतितोला एक हजार रूपैयाँ नै बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १४ हजार ७ सय रुपैयाँ र तेजाबी सुन प्रतितोला १ लाख १४ हजार १ सय ५० रुपैयाँमा कारोबार भइरहेको छ ।
बिहीबार छापावाल सुन प्रतितोला १ लाख १३ हजार ७ सय रुपैयाँ र तेजाबी सुन प्रतितोला १ लाख १३ हजार १ सय ५० रुपैयाँमा कारोबार भएको थियो ।
बिहीबार प्रतितोला १ हजार ३ सय ८० रूपैयाँमा कारोबार भएको चाँदी शुक्रबार प्रतितोला १ हजार ४ सय रूपैयाँमा किनबेच भइरहेको छ ।
यो मूल्य अघिल्लो दिनको तुलनामा प्रतितोला २० रूपैयाँ बढेको हो ।
