लोप हुनथाले पानीघट्ट र ओखल

मुगु । हिमाली जिल्ला मुगुमा परम्परादेखि सञ्चालन हुँदै आएका खोलाका पानीघट्ट लोप हुने अवस्थामा पुगेका छन् । गाउँमा बिजुली पुगेसँगै आधुनिक मिलहरु सञ्चालन आएपछि पहिलेका पुस्ताले गहुँ, कोदो, मकै, फाँपर पिस्न प्रयोग हुने खोलाका पानीघट्ट, ओखल, जाँतो पछिल्लो समय बिस्तारै लोप हुन थालेका हुन् ।

आधुनिक मिलमा पिसेको पिठो स्वादिलो नहुने, रोटी चाम्रो हुने गरेको स्थानीयको भनाइ छ । मिलमा पिसेको पिठोभन्दा घट्टमा तयार पिठोको रोटी स्वादिलो हुने छाँयानाथ रारा नगरपालिका–८ का कृष्णबहादुर रावलले बताए ।

मौलिक पानीघट्टमा पिंधेको धुलो पिठोबाट तयार परिकार बासनादार र स्वादिलो हुने तर विद्युतीय मिलबाट पिसेको धुलो कुनैपनि स्वाद नहुने रावलले बताए । आजभोलि सस्तो र सहज रुपमा बजारमा पिसेको पिठोको चामल पाउन गरेको, पानीघट्टहरु विग्रिएको, पानीघट्टका संचालकहरुले व्यवसाय परिवर्तन गर्न थालेपछि पानीघट्ट लोप हुने अवस्थामा पुगेको छाँयानथा रारा नगरपालिका–६ का ख्यामबहादुर रावलले बताए ।

मिलमा पिसेको र तराइबाट आयतीत पिठोले बजार ओगटेका कारण पनि गहुँ, कोदो र फापर पानीघट्ट पिस्न छाडेको स्थानीको भनाई छ । त्यस्तै बाढीका कारण पानीघट्टहरु बगाएकाले पनि समस्या भएको नगरप्रमुख कर्णबहादुर रावलले बताए ।

नगरपालिकाले घट्ट, ढिकी, जाँतो, ओखल संरक्षणका लागि योजना अघि सारेको रावलले बताए । ‘एक गाउँ, एक पानीघट्ट’ अभियान शुरु गरिएको उनले बताए ।

© 2024 All right reserved Site By : Himal Creation || सञ्चार रजिस्ट्रार दर्ता नं : ०००९७