काठमाडौं । बझाङ प्रदेशसभा १ मा सम्पन्न उपनिर्वाचनमा नेकपा एकीकृत समाजवादीको जमानत जफत भएको छ ।
एकीकृत समाजवादीबाट उम्मेदवार बनेका दिलबहादुर सिंहले सदर मतको १० प्रतिशतभन्दा कम मत पाएपछि जमानत जफत भएको हो ।
निर्वाचन आयोगका अनुसार कुल सदर मत २९ हजार ७०५ मध्ये २ हजार ५१४ मत मात्रै पाए । उनले जमानत जोगाउनका लागि २ हजार ९७१ मत ल्याउनुपर्ने थियाे ।
नेकपा माओवादी केन्द्रका उम्मेदवार जनक बहादुर बुढा भने जमानत जोगाउन सफल भएका छन् ।
उपनिर्वाचनमा एमालेका उम्मेदवार दमन भण्डारी निर्वाचित भइसकेका छन् । उनले कांग्रेस उम्मेदवार अभिषेकबहादुर सिंहलाई २६७ मतको अन्तरले पराजित गरे ।
भण्डारीले ११ हजार ६ सय १३ मत प्राप्त गरेर विजयी हुँदा निकटतम् प्रतिस्पर्धी कांग्रेसका सिंहले ११ हजार ३ सय ४६ मत प्राप्त गरे ।
यस्तो छ बझाङ प्रदेशसभा १ मा जमानत जफत हुनेकाे सूची :
– दिलबहादुर सिंह, नेकपा एकीकृत समाजवादी
– किशोर कुमार खड्का, राप्रपा
– रामबहादुर जाग्री, जसपा
– गजेन्द्रबहादुर थापा,राष्ट्रिय मातृभूमि पार्टी
– दिपकबहादुर खड्का, संघीय लोकतान्त्रिक राष्ट्रिय मञ्च
– सुशीला देवी विष्ट, जनमत पार्टी
– खगेन्द्रबहादुर शाही, नेमकिपा
– कमल घर्ती मगर, नेशनल रिपब्लिक नेपाल
