काठमाडौं। नेपाली कांग्रेसका नेता विमलेन्द्र निधिले आर्थिक वर्षको बजेट संसदमा पेस गर्ने मिति परिवर्तन गर्न सरकारसँग माग गरेका छन्।
प्रतिनिधिसभाको शून्य समयमा बोल्दै सांसद निधिले जेठ १५ गते गणतन्त्र दिवस र बजेट प्रस्तुत हुने दिन एकैपटक पर्ने भएकाले दुबैको महत्त्व कम हुने बताए।
“संविधानमा उल्लेख भएकाले सरकारले मिति परिवर्तन गर्न सक्दैन भन्ने लाग्न सक्छ,” निधिले भने, “तर गणतन्त्र दिवस र बजेट दुवैको महत्व घटिरहेको छ, त्यसैले बजेट प्रस्तुत गर्ने दिन फेरिनुपर्छ।”
उनले सभामुख देवराज घिमिरेसँग संसद्को कार्यसूची तय गर्ने अधिकार प्रयोग गर्दै बजेटको मिति पुनर्विचार गर्न आग्रहसमेत गरे।
