काठमाडौं । नेपाल-चीन सम्बन्धका विज्ञहरुले चीनको खुलापन र १५औँ पञ्चवर्षीय योजनाबाट नेपालले प्रत्यक्ष लाभ उठाउनसक्नुपर्ने बताएका छन् ।
फ्रेन्डस् अन क्लाउडले काठमाडौंमा गरेको कार्यक्रममा चीनको विकाससम्बन्धी अध्येता एवम् अनुसन्धानकर्ता रोयल आचार्यले चीनको आगामी पञ्चवर्षीय योजना र नेपालका अवसरबारे कार्यपत्र प्रस्तुत गरेका थिए ।
उनको कार्यपत्रमा चीनको १५ औं पञ्चवर्यीय योजनाका विशेषता समेटिएको थियो । राष्ट्रिय सुरक्षा र दीगो विकास, युवा केन्द्रीत नीति, सीपमा आधारित नीति, सेवा मुलक कारणबारे, कृषिमा आधारित उत्पादन, गुणस्तरीय उत्पादन, ग्रामीण विकास, उत्पादन हेरेर लगानी लगायतका विषय योजनामा समेटिएका छन् ।
उनको प्रतिवेदनमाथि डा. रघु वाग्ले र डा. मुक्ति रिजालले टिप्पणी गरेका थिए । विकासको दीर्घकालीन सोच र कार्यबारे चीनसंग सिक्नुपर्ने उनीहरुको भनाइ थियो ।
चीनले हरेक योजना कार्यान्वयनमा सफलता हासिल गरेर भन्दै उनीहरुले नेपालमा योजनाा कार्यान्वयनमा सबैभन्दा बढि लापरवाही हुने गरेको औंल्याए । चीनले तीव्र गतिमा आथिक विकस गरिरहेकाले चाँडै विश्व शक्तिको पहिलो नम्बरमा आफूलाई उभ्याउन चीन सफल हुने उनीहरुको दाबी छ ।
चीनले आफ्नो मात्र नभई संसारकै गरिबी निवारणमा महत्त्वपूर्ण योगदान दिएको समेत उनीहरुको भनाइ छ ।
संस्थाका अध्यक्ष शोभित उप्रेतीले वरिष्ठ कलाकार मदनदास श्रेष्ठ, जलश्रोतविद् कृष्णप्रसाद भन्डारी र राप्रपाका नेता श्याम घिमिरेलाई समारोहमा सम्मान गरेका थिए ।
