काठमाडौं । काठमाडौंबाट ओखलढुंगा गइरहेको यात्रुबाहक बस तामाकोशी नदीमा खसेको छ । उक्त दुर्घटनामा ठूलो हताहती भएको बताइएको छ ।
काठमाडौंबाट ओखलढुङ्गातर्फ गइरहेको प्रदेश ३-०१-००५ ख ९९७५ नम्बरको अरनिको यातायातको यात्रुबहाक बस केहीबेर अगाडि लिलौटी भन्ने ठाउँबाट तामाकोशीमा खसेको हो ।
दुर्घटनामा अहिलेसम्म चार जनाको मृत्यु भएको जिल्ला प्रहरी कार्यालय रामेछापले पुष्टि गरेको छ ।
दुर्घटनापछि स्थानीय बासिन्दा, सुरक्षाकर्मी तथा उद्धार टोलीको सहयोगमा घाइतेहरूको उद्धार कार्य भइरहेको छ ।
दुर्घटनाको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ ।
