काठमाडौँ । जबरजस्ती करणी गरेको अभियोगमा प्रहरीले कैलाली र संखुवासभाबाट दुई जनालाई पक्राउ गरेको छ।
कैलालीको जानकी गाउँपालिका–७ टिक्लीगढका २१ वर्षीय अमन चौधरीलाई १५ वर्षीया बालिकामाथि जबरजस्ती करणी गरेको आरोपमा आइतबार बेलुकी पक्राउ गरिएको हो। पीडित पक्षको उजुरीका आधारमा इलाका प्रहरी कार्यालय टिकापुरबाट खटिएको टोलीले उनलाई नियन्त्रणमा लिएको प्रहरीले जनाएको छ।
यस्तै, संखुवासभाको चैनपुर नगरपालिका–७ फलाटेका १९ वर्षीय निसान कार्कीलाई १२ वर्षीया बालिकामाथि जबरजस्ती करणी गरेको आरोपमा आइतबार साँझ पक्राउ गरिएको छ। इलाका प्रहरी कार्यालय चैनपुरबाट खटिएको प्रहरीले उजुरीका आधारमा उनलाई पक्राउ गरेको हो ।
दुवै घटनामा प्रहरीले आवश्यक अनुसन्धान अगाडि बढाएको जनाएको छ ।
