काठमाडौं । सरकारले पेट्रोलिमय पदार्थको पूर्वाधार र भन्सार शुल्क घटाउन अर्थ मन्त्रालयलाई सैद्धान्तिक सहमति दिएको छ ।
जेठ १० मा बसेको बैठकले अर्थ मन्त्रालयलाई पेट्रोलियम पदार्थको भन्सार बिन्दुमै लाग्ने दुई शिर्षकको कर हटाउन सैद्धान्तिक सहमति दिएको हो ।
तर, कुन शिर्षकको कर कति घटाउने भन्ने निर्णय भने नभइसकेकाे अर्थ मन्त्रालयले जनाएकाे छ ।
सरकारले अहिले पेट्रोल प्रतिलिटरमा भन्सार शुल्क २५ रुपैयाँ २३ पैसा र पूर्वाधार शुल्ककबापत थप १० रुपैयाँ भन्सार बिन्दुमा उठाउने गरिएकाे छ । यस्तै, डिजेलमा १२ रुपैयाँ २ पैसा भन्सार शुल्क र पूर्वाधार बापत १० रुपैयाँ उठाउने गरेकाे छ ।
