काठमाडाैं । आइतबार मुस्ताङको थासाङ गाउँपालिकाको सानुसरेमा भएको तारा एयरको विमान दुर्घटनामा परी मृत्यु भएका १६ जनाको शव भेटिएको छ ।
नेपाल नागरिक उड्डयन प्राधिकरणले दिएको जानकारी अनुसार हालसम्म १६ जनाको शव फेला परेको हो ।
उनीहरुको शवको पहिचान भने हुन बाँकी रहेको छ । विमानमा चालक दलका सदस्यसहित २२ जना सवार थिए । शवलाई काठमाडौं ल्याउने तयारी गरिएको छ ।
१४,५०० फिटको उचाइमा विमान दुर्घटना भएको थियो । आइतबार बिहान ९:५५ बजे पोखराबाट जोमसोमका लागि उडेको विमान केही मिनेटपछि सम्पर्कविहीन भएको थियो ।
सम्पर्कविहीन भएलगत्तै खोजी जारी राखिए पनि साेमबार बिहान मात्रै विमान क्षतविक्षत अवस्थामा दुर्घटना भएको फेला परेको थियो ।
