काठमाडाैं । नेकपा एमालेका सांसद योगेशकुमार भट्टराईले देशलाई काम गर्ने प्रधानमन्त्री चाहिएको बताएका छन् । प्रधानमन्त्री शेरबहादुर देउवातिर कटाक्ष गर्दै देशलाई काम गर्ने प्रधाामन्त्री चाहिएको बताएका हुन् ।
विनियोजन विधेयक, २०७९ विभिन्न शीर्षकहरूमा प्रतिनिधिसभामा जारी छलफलका क्रममा बुधबार सहभागी भट्टराईले भने ‘हामीलाई र्याल, सिंगान काढ्ने प्रधानमन्त्री चाहिएको होइन, कृषकहरुका लागि मल ल्याउने प्रधानमन्त्री चाहिएको छ । तर यो वर्ष पनि मलबिनै कृषकको खेती लाग्यो ।’
उनले मलको अभाव भइरहेका बेला कृषिमन्त्री नै गायब भएको पनि बताएका छन् । उनले भने ‘रासायनिक मल खोज्न कृषि मन्त्री भारततिर गएका छन् भन्ने हामीले सुनेका छौँ, मल खोज्न गएका कृषिमन्त्री उतै पो निर्वासित हुने हुन् किन भन्ने भएको छ ।’
