काठमाडौं । साेमबार देशभर आंशिक बदलीसहित केही स्थानमा भारी वर्षा हुने सम्भावना रहेको छ ।
मौसम पूर्वानुमान महाशाखाले देशभर आंशिकदेखि सामान्य बदली रही प्रदेश १, मधेस प्रदेश, बागमती प्रदेश, लुम्बिनी प्रदेश र सुदूरपश्चिम प्रदेशका केही स्थानमा हल्का वर्षा भइरहेको तथा केही स्थानमा भारी वर्षा हुने सम्भावना रहेको जनाएको छ ।
हाल देशको पहाडी तथा तराईका केही भुभागमा पश्चिमी वायुको सामान्य प्रभाव रहेको छ ।
साेमबार प्रदेश १, मधेस प्रदेश, लुम्बिनी, कर्णाली तथा सुदूरपश्चिम प्रदेशका केही र बाँकी प्रदेशका प्रदेशहरूको पहाडी भू-भागमा भारी वर्षा भइ नदी नाला तथा खहरे खोलाहरूमा पानीको सतह बढ्न सक्ने तथा दैनिक जीवन र यातायात क्षेत्र प्रभावित हुन सक्ने भएकोले आवश्यक सतर्कता अपनाउन पनि महाशाखाले अनुरोध छ ।
