काठमाडौं । बेलायतको खुफिया (इन्टेलिजेन्सी) एजेन्सी एमआई५ र अमेरिकाको फेडरल ब्यूरो अफ इन्भेस्टिगेशन (एफबीआई)का प्रमुखहरूले बुधबार लण्डनमा भएको एक विशेष कार्यक्रममा चिनियाँ आर्थिक जासुसीको बारेमा गम्भीर चिन्ता व्यक्त गरेका छन् ।
एमआई५का निर्देशक केन म्याकलमले विश्वभर चिनियाँ सरकारको गुप्त दबाब आफूहरूले सामना गर्ने सबैभन्दा ठूलाे चुनाैती रहेकाे बताएका हुन् ।
यस्तै, एफबीआईका निर्देशक क्रिस रेले पश्चिमी फर्महरूलाई बेइजिङ प्रतिस्पर्धात्मक लाभका लागि उनीहरूको प्रविधि चोर्न कटिबद्ध रहेको चेतावनी दिए ।
चीनले भने यी आरोपहरू निराधार भएको भन्दै अस्वीकार गरेको छ ।
