काठमाडौँ । सत्तारुढ नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले पाँच दलीय गठबन्धन संघ र प्रदेश निर्वाचनसम्म कायम रहने दाबी गरेका छन् ।
उनले आगामी आम निर्वाचनमा दायाँ-बायाँ हुन नहुने बताएका छन् ।
नेकपा (माओवादी केन्द्र) सम्पर्क समन्वय प्रदेश स्तरीय राजनीतिक तथा वैचारिक प्रशिक्षण कार्यक्रममा प्रचण्डले माओवादी केन्द्र दोस्रो हुन कांग्रेसलाई सहयोग गरिएकाेसमेत बताए ।
‘सायद पहिलो तपाईंहरु नै हुनुहुन्छ, दोस्रो माओवादी केन्द्र हुने हो त्यसमा सहयोग गर्ने हो भने सबै चिज सहज जान्छ अन्यथा सहज हुन दिइने छैन’ प्रचण्डले भने ।
गत स्थानीय तह निर्वाचनबाट शिक्षा लिएर अघि बढ्नुपर्ने प्रचण्डको भनाइ छ ।
