बागलुङ । बागलुङको जैमिनी नगरपालिका–९ पैयुँथन्थापका वडा अध्यक्ष सन्दिप थापा ‘ईन्द्र’को कार्यकक्षमा स्थानीयले ताल्चा लगाइदिएका छन् ।
गत बिहिबार थापाको कार्यकक्षमा स्थानीयले ताल्चा लगाइदिएका हुन् ।
वडा अध्यक्ष थापा कार्यालयमा नगएको र गएको समयमा पनि जनतासँग कुरा राख्न चासो नदिई फर्किएकोले स्थानीयले ताला लगाइदिएको स्थानीय भगिन्द्र थापाले बताए । कार्यालयमा ताल्चा लगाईदा वडाको काम समेत प्रभावित बनेको छ ।
थापा विगत केही दिनदेखि वडा सदस्य मिना परियारलाई कार्यवाहक वडा अध्यक्षको जिम्मा दिएर कार्यालयमा आएका छैनन् ।
विभिन्न सञ्चार माध्यममा उनले घरमा श्रीमति छोराछोरी हुँदाहुँदै ताराखोलाकी एक २५ वर्षीषा युवतीलाई गर्भवती बनाएको भन्ने समाचार बाहिरिएपछि उनी बिदामा बसेका थिए ।
यसबारेमा बुझ्न थापालाई पटक–पटक सम्पर्क गर्न प्रयास गर्दा सम्पर्क हुन सकेन ।
