काठमाडाैं । बंगलादेशमाथि जित निकालेर पाकिस्तान आईसीसी टी–२० विश्वकप क्रिकेटको सेमिफाइनलमा प्रवेश गरेको छ ।
पाकिस्तानले अन्तिम ४ मा स्थान बनाएपछि सेमिफाइनल समीकरण पूरा भएको हाे ।
समूह चरणको अन्तिम खेलमा भारतले आज जिम्बाबेसँग खेल्दैछ । भारत र जिम्बाबेको बीचको खेलले समूह विजेताको टुङ्गो लगाउनेछ ।
समूह बी मा रहेको भारतले यसअघि नै अन्तिम ४ मा स्थान पक्का गरिसकेको छ ।
समूह ए बाट न्युजिल्याण्ड र इंग्ल्याण्डले अन्तिम चारको यात्रा तय गरिसकेका छन् । समान अंक भए पनि अष्ट्रेलिया नेट रनरेटमा पछि परेर बाहिरिएको हो ।
बंगलादेशले दिएको १२८ रनको लक्ष्य पाकिस्तानले १८ ओभर १ बलमा ५ विकेटको क्षतिमा भेटेकाे हाे ।
एडिलेडस्थित क्रिकेट मैदानमा टस जितेर ब्याटिङ गरेको बंगलादेशले निर्धारित २० ओभरमा ८ विकेटको क्षतिमा १२७ रनको योगफल तयार गरेका थिए ।
