काठमाडौं । कात्तिक २१ गतेदेखि सम्पर्कविहीन रहेका पत्रकार तथा लेखक सरोजराज अधिकारी बुधबार सिद्दार्थ हाेटेलकाे एक काेठामा झुन्डिएको अवस्थामा मृत फेला परेका छन् ।
२१ गतेदेखि सम्पर्कविहीन रहेका उनकाे खाेजीकाे लागि उनकी श्रीमतीले बुधबारमात्रै महानगरीय प्रहरी परिसर टेकुमा निवेदन दिएकी थिइन् । निवेदन पश्चात् प्रहरीले खाेजी गर्दा अधिकारी सिद्दार्थ हाेटेलकाे काेठा नं. ५०२ मा मृत भेटिएको प्रहरीले जनाएको हो ।
पत्रकारितासँगै पुस्तक लेखनमा सक्रिय उनका चक्रब्युहमा चन्द्रसूर्य, धम्बोझी, रुपबजारकी नोरा, जासुसीको जालो पुस्तक प्रकाशित छन् ।