काठमाडाैं । प्रतिनिधिसभा तथा प्रदेशसभा सदस्य निर्वाचन, २०७९ का लागि देशभर मतदान भइरहेको छ ।
अपरान्ह ३ : ३० बजेसम्म १५ मतदान केन्द्रमा मतदान कार्य रोकिएको निर्वाचन आयोगले जनाएको छ ।
यी रोकिएका मतदान केन्द्रमा मतदान कार्य पुन: सुरू गर्ने प्रयास भइरहेको आयोगले जनाएको छ ।
प्रतिनिधि सभाका लागि १६५ निर्वाचन क्षेत्र र प्रदेशसभाका लागि ३३० निर्वाचन क्षेत्रमा प्रत्यक्ष चुनाव भइरहेका छन् । चुनावमा १ करोड ७९ लाख ८८ हजार ५ सय ७० मतदाताले भाग लिनेछन् ।
मतदान गर्न १० हजार ८ सय ९२ मतदान स्थलमा २२ हजार २ सय २७ मतदान केन्द्र निर्माण गरिएको निर्वाचन आयोगले जनाएको छ ।
