भारत । भारतकाे गुजरातमा विधानसभा चुनावको मतगणना जारी छ । गुजरातको कुल १८२ विधानसभा सीटहरूको लागि डिसेम्बर १ र डिसेम्बर ५ मा दुई चरणहरूमा मतदान भएको थियो ।
सरकार बनाउन कुनै पनि दलले कम्तीमा ९२ सिट जित्नुपर्ने हुन्छ । भारतीय जनता पार्टी गुजरातमा विगत २७ वर्षदेखि सत्तामा छ र फेरि एकपटक भाजपाको सरकार बन्ने सम्भावना छ ।
गुजरात विधानसभाको १८२ सिटमा भाजपा एकतर्फी अग्रताका साथ १ सय ५६ सिटमा अगाडि छ । कांग्रेस १७ र आम आदमी पार्टी ५ सिटमा अगाडि छ । यहाँ ४ सिट अन्य उम्मेदवारको खातामा गएको देखिन्छ ।
आज बिहान ८ बजेदेखि आधा घण्टा अगाडि हुलाक मतपत्रको गणना गरेपछि गुजरातमा इभीएमबाट मतगणना सुरु भएको हाे ।
भाजपाको अग्रता देखेर पार्टीका समर्थकहरूले उत्सव मनाउन थालेका छन् ।
