काठमाडाैं । भारत र नेपाल सरकारको पहलमा २५ सय टन युरिया मल भित्रिएको छ ।
पहिलो चरणमा ल्याइने ३० हजार टन मलमध्ये २५ सय टन युरिया मल शनिबार वीरगञ्ज नाका भित्रिएको कृषि सामाग्री कम्पनी लिमिटेडका सूचना अधिकारी पूण्य प्रसाद उपाध्यायले जानकारी दिए ।
उनका अनुसार बाँकी सबै मल १५ दिनभित्र आइसक्ने छ ।
‘एउटा र्याकमा २५ सय टन मल अट्छ । बाँकी मल पनि अब १५ दिन भित्र आइहाल्छ,’ उनले भने।
भन्सारमा भित्रिएसँगै शहकारीमार्फत किसानलाई मल बाँडिने छ।
गत फागुनमा नेपाल र भारत सरकारबीच पाँच वर्षका लागि जिटुजीमार्फत् मल ल्याउन समझदारी पत्रमा हस्ताक्षर भएको थियो।
सम्झौताअनुसार पहिलो वर्ष एक लाख युरिया र ५० हजार डिएपी, दोस्रो वर्ष एक लाख १० हजार युरिया र ६० हजार डिएपी, तेस्रो वर्ष एक लाख १५ हजार युरिया र ८० हजार डिएपी, चौथो वर्ष एक लाख २० हजार युरिया र ९० हजार डिएपी र पाँचौ वर्ष एक लाख २० हजार युरिया र ९० हजार डिएपी मेट्रिक टन मल आउने छ।
