सरकारलाई बालेनले भने- सिंहदरबार सार्नुस् कि राजधानी, हामीलाई आपत्ती छैन

काठमाडाैं । काठमाडाैं महानगरपालिकाका मेयर बालेन शाहले सरकारलाई सिंहदरबार सारे सार्नू, राजधानी सारे सार्नू भन्ने चर्काे चुनाैती दिएका छन् ।

बिहीबार सामाजिक सञ्जालमार्फत् उनले हामीलाई हाम्रो सम्पदा, संस्कृति, कला सभ्यता चाहिने उल्लेख गरेका छन् ।

उनले लेखेका छन् ‘हामी काठमाडौंवासीलाई कुनै आपत्ति छैन, चाहे सिंहदरबार सार्नुस् कि राजधानी सार्नुस् । हामीलाई हाम्रो सम्पदा, संस्कृति, कला सभ्यता चाहिन्छ, राजनीति होइन ।’

बालेनले काठमाडौंको हितमा काम नगर्ने भए सिंहदरबार अर्को पालिकामा सार्दा काठमाडौंवासीलाई आपत्ति नहुने बताएका हुन् ।

महानगरपालिकालाई विभिन्न मन्त्रालयहरूले असहयोग गरेको भन्दै बालेनले केन्द्र सरकारसँग असन्तुष्ट जनाइरहेका छन् ।

उनले सिंहदरबार, शीतल निवास र बालुवाटारको फोहोर नउठाउन समेत निर्देशन दिएपछि समस्या चुलिएको छ ।