काठमाडौं । जारी एसीसी मेन्स प्रिमियर कपको सेमिफाइनलमा नेपाल र कुवेत खेल्ने भएका छन् ।
मुलपानी क्रिकेट मेदानमा सम्पन्न खेलमा कुवेतले हङकङलाई हराएपछि प्रिमियर कपको सेमिफाइनल समीकरण पूरा भएको हो ।
अब समूह बीको उपविजेता बनेको कुवेतले शनिबार हुने सेमिफाइनलमा नेपालसँग खेल्नेछ ।
कुवेतले दिएको २ सय ७३ रनको लक्ष्य पछ्याएको हङकङ ५० ओभरमा २ सय ४२ रनमा सीमित भएपछि नेपाल र कुवेतकाे खेल पक्का भएकाे हाे ।
दोस्रो सेमिफाइनलमा ओमान र यूएई आमनेसामने हुने भएका छन् ।
