काठमाडौं । राजधानीमा जारी एसीसी प्रिमियर कप क्रिकेटमा नेपालले शनिबार सेमिफाइनलमा कुवेतसँग प्रतिस्पर्धा गर्दैछ ।
समूह एको विजेता बन्दै नेपालले समूह बीको उपविजेता बनेको कुवेतसँग सेमिफाइनलमा प्रतिस्पर्धा गर्न लागेकाे हाे ।
नेपाल र कुवेतबीचको खेल बिहान ९ बजे कीर्तिपुर मैदानमा हुनेछ । नेपाल प्रतियोगितामा एकमात्र अपराजित टोली रहेको छ ।
आजै हुने दोस्रो सेमिफाइनलमा ओमानले यूएईको सामना गर्नेछ ।
ओमान समूह एको उपविजेता हो भने यूएई समूह बीको विजेता बनेको थियो । यो खेल बिहान ९ बजे मुलपानीस्थित क्रिकेट मैदानमा खेलिनेछ ।